అమ్మో బామ్మ!!

బామ్మగారు తన మనవడితో కలిసి సముద్రపు ఒడ్డున నడుస్తున్నారు. ఉన్నట్టుండి ఒక పెద్ద అల వచ్చి అక్కడ ఉన్న వాటన్నిటిని తనతో తీసుకుపోయింది. బామ్మగారు పక్కకి తిరిగి చూస్తే మనవడు కనిపించలేదు... ఆ పెద్ద అలతో పాటుగా తనూ వెళ్ళిపోయాడు!

2 నిముషాలకి షాక్ నుండి తేరుకున్న బామ్మగారు మోకాళ్ళపై కూర్చుని ఏడుస్తూ దేవుణ్ణి ప్రార్ధించటం మొదలు పెట్టారు.
"దేవుడా!! నా మనవణ్ణి నాకు తిరిగి ఇచ్చేయ్... దయచేసి ఇచ్చేయ్!"

కొన్ని క్షణాల్లో... మరో పెద్ద అల వచ్చింది. ఈసారి అల తనతో పాటుగా బామ్మగారి మనవణ్ణి వెంటపెట్టుకొచ్చింది.
ఏం జరుగుతుందో అర్థం కానీ ఆ పిల్లాడు అలా చూస్తూ నిల్చుండిపోయాడు.
బామ్మగారు మనవణ్ణి చూస్తూ అంతా తడుముతూ దగ్గరకి తీసుకున్నారు.

2 క్షణాల తర్వాత బామ్మగారు మనవడి వైపు పరీక్షగా చూసి... ఆకాశం వైపు తిరిగి చేతులు జోడించి ఇలా అన్నారు...
"వీడి తలపై ఓ టోపీ ఉండాలి"